आइतबार, फागुन १६, २०७७

चितुवाको आक्रमणबाट बालकको मृत्यु

ज्योतिन्यूज २०७७ साउन २२ गते ८:०४

[pl_row]
[pl_col col=12]
[pl_text]
तनहुँ, चितुवाको आक्रमणबाट तनहुँको शुक्लागण्डकी नगरपालिका-२ मसारमा डेढ वर्षीय बालकको मृत्यु भएको छ। मृत्यु हुनेमा सोही ठाउँका विष्णुकुमार रानाका छोरा रोहन राना रहेको इलाका प्रहरी कार्यालय बेलचौताराले जनाएको छ।

बुधबार राति घरको पिढीमा बसिरहेका बेला चितुवाले आक्रमण गर्दा बालकको मृत्यु भएको प्रहरी निरीक्षक जगदीश रेग्मीले जानकारी दिनुभयो। मृत्यु भएका बालकको शव घरभन्दा केही पर भेटिएको थियो। जिल्लामा पछिल्लो समय बालबालिका चितुवाको निशानामा पर्ने गरेका छन्। गत असार १७ गते राति आँबुखैरेनी गाउँपालिका–१ समस्तीपुरमा चितुवाको आक्रमणबाट १० वर्षीया अमिषा थापा घाइते भएकी थिइन्।

विसं २०७४ फागुन यता चितुवाको आक्रमणबाट दश बालबालिकाले ज्यान गुमाएका छन्। चितुवाका आहारा प्रजाति मृग, बँदेल, खरायो, वन कुखुरा आदि वनमा लोप हुँदै गएपछि चितुवा बस्तीमा प्रवेश गरी बालबालिकामाथि आक्रमण गर्न थालेको डिभिजन वन कार्यालयले जनाएको छ।
[/pl_text]
[/pl_col]
[/pl_row]

प्रतिक्रिया