शुक्रबार, वैशाख ३१, २०७८

थप ६४१ जनामा कोरोना संक्रमण

ज्योतिन्यूज २०७७ साउन ३२ गते १६:४७

काठमाडौँ ।

आज नेपालमा कोरोना संक्रमित ६४१ जना भेटिएका छन् । स्वास्थ्य तथा जनसंख्या मन्त्रालयका अनुसार बाह्रहजार २ सय ४७ जनाको पीसीआर विधिबाट परीक्षण गर्दा यी संक्रमित भेटिएका हुन्
अब कुल कोरोना संक्रमितको संख्या २६ हजार ६ सय ६० पुगेको छ ।

दैनिकरुपमा संक्रमितको संख्या गुणात्मकरुपले बढेकोमा अब समुदायस्तरमा पुगेको आशंकालाई उल्लेखित तथ्यांकले बल पुगेको छ ।

राससले जनाए अनुसार स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १२ हजार २४७ हजार जनामा गरेको पिसीआर परीक्षणबाट ६४१ नयाँ सङ्क्रमित देखिएका हुन् । हालसम्म पाँच लाख १७ हजार ९०७ को पिसीआर परीक्षण भएको मन्त्रालयको नियमित पत्रकार सम्मेलनमा जानकारी दिइयो । योसँगै आज देशभर सक्रिय सङ्क्रमितको सङ्ख्या नौ हजार २२१ पुगेको छ ।
मन्त्रालयका प्रवक्ता प्रा डा जागेश्वर गौतमका अनुसार आज उपत्यकामा देखिएका थप १७२ कोरोनाका सङ्क्रमितमध्ये काठमाडौँका १२६, लतिपुरका ३८ र भक्तपुरका आठ जना रहेका छन् । पछिल्लो २४ घण्टामा १३४ जना कोरोना जितेर घर फर्किएका छन् । यससँगै हालसम्म कोरोना सङ्क्रमणमुक्त हुनेको सङ्ख्या १७ हजार ३३५ पुगेको छ ।

थप दुईको मृत्यु

कोभिड–१९ बाट पछिल्लो २४ घण्टामा थप दुई जनाको मृत्यु भएको छ । पर्सामा एक पुरुष र मोरङमा एक महिलाको मृत्यु भएको मन्त्रालयका प्रवक्ता प्रा डा गौतमले जानकारी दिनुभयो । अहिले होम आइसोलेशनमा रहेका बिरामीको सङ्ख्या ४९७ रहेको छ । आइसोलेशनमा रहेका सङ्क्रमितको सङ्ख्या आठ हजार ७२४ रहेको छ । वाग्मती प्रदेशका छ जना सङ्क्रमितलाई भेण्टिलेटरमा राखिएको छ । अहिले विश्व नै कोभिड–१९ महामारीको चपेटामा परेको छ । नेपालमा पनि महामारीको नराम्ररी असर परेको छ । पछिल्लो विवरणअनुसार विश्वमा दुई करोड १६ लाख १८ हजार २८९ कोरोनाका सङ्क्रमित देखिएका छन् ।
कोरोनाका कारण हालसम्म सात लाख ६९ हजार नौ जनाको मृत्यु भइसकेको छ । कोरोनाको उपचारपछि निको भएर घर फर्किनेको सङ्ख्या एक करोड ४३ लाख ३४ हजार ३३२ रहेको मन्त्रालयले जनाएको छ ।

प्रतिक्रिया