शुक्रबार, वैशाख १०, २०७८

ज्यानमारा पाँचजना फरार अभियुक्तरू पक्राउ

ज्योतिन्यूज २०७७ भदौ १८ गते ६:१७

म्याग्दी, १८ भदौ  ।

कर्तव्य ज्यान मुद्दामा २० वर्ष कैद (जन्मकैद) ठहर भई फरार रहेका ५ जना प्रतिवादीहरूलाई मंगलबार प्रहरीले पक्राउ गरेको छ ।

पक्राउ पर्नेहरूमा म्याग्दी मालिका गाउँपालिका-४ बस्नेहरू २८ वर्षीय बलमान घर्ति, ३३ वर्षीय जिवन घर्ति मगर, २६ वर्षीय दुर्गा बहादुर घर्ति तथा २७ वर्षीय दल प्रसाद पुन र सोही गाउँपालिका-५ बस्ने २९ वर्षीय तिथेन्द्र घर्ति मगर रहेका छन् । यी मध्ये दुर्गा बहादुर र दल प्रसाद पुनलाई वारदातका समयमा बालबालिका भएकाले जिल्ला अदालत म्याग्दीले आधा सजाय तोकेको थियो ।

जिल्ला प्रहरी कार्यालय म्याग्दीबाट खटिएको प्रहरीको विशेष टोलीले जिल्ला प्रहरी कार्यालय कास्कीसँगको समन्वयमा कास्कीका विभिन्न स्थानहरूमा विभिन्न आवरणमा लुकिछिपी बसेका उनीहरूलाई फेला पारी पक्राउ गरेको हो ।

उनीहरूलाई जिल्ला अदालत म्याग्दीमा उपस्थित गराइएकोमा अदालतको आदेशले कारागार कार्यालय म्याग्दीमा पठाईएको जिल्ला प्रहरी कार्यालय म्याग्दीले जनाएको छ ।

प्रतिक्रिया