सोमबार, साउन १८, २०७८

ढोरपाटनमा सुकुर्दुङ खोलाको बाढीले बस्ती बगायो, एक दर्जन बेपत्ता

ज्योतिन्यूज २०७७ भदौ १८ गते ७:०४

बागलुङ , १८ भदौ  ।
बागलुङ जिल्लाको ढोरपाटन नगरपालिकाको सुकुर्दुङ खोलामा बाढी आउँदा कम्तिमा १० घर बगाएको छ । प्रमुख जिल्ला अधिकारी सुरेश न्यौपानेका अनुसार  सुकुर्दुङ खोलाको बाढीले बोबाङ, सुर्कुदुङ र शेरावाङ गाउँका घर बगाएको क्षेत्रको राहत तथा पुनस्थापना लागि  प्रहरीको टोलि बाढीग्रस्त क्षेत्रमा पुगिसकेको र नेपलीसेना र जिल्ला प्रहरीको टोली सहित आफु  प्रभावित क्षेत्रतर्फ गैरहेको बताउनुभयो  । अरिवरल वर्षासँगै गएराति १२ बजेको समयमा आएको बाढीले घर बगाउँदा करिब १२ जना सम्पर्क बिहिन रहेको इलाका प्रहरी कार्यालय बुर्तिवाङका प्रमुख प्रहरी निरिक्षक प्रकाशसिंह भण्डारीले जानकारी दिनुभयो ।
“रातिको समयमा खोला उर्लेर आउँदा कति क्षति भयो र कति बेपत्ता भए भन्ने यकिन हुन सकेको छैन”,भण्डारीले फोन मार्फत भन्नुभयो, “अहिले उद्दारको काम भइरहेकोछ, बस्ती सानो भएका कारण मानिसलाई खोलाले नै बगाएको अनुमान छ ।” बाढीका कारण एक दर्जन मानिस बेपत्ता भएको र एक जनाको शव फेला परेको प्रमुख जिल्ला अधिकारी सुरेश न्यौपानेले जानकारी दिनुभयो । उहाँले राति नै घटना स्थलमा प्रहरी परिचालन गरिएको भन्दै बिहान नेपाली सेना र सशस्त्र प्रहरी बललाई घटनास्थलमा पठाइएको जानकारी दिनुभयो । घटनाको विषयमा बुझ्न प्रमुख जिल्ला अधिकारीको टोली ढोरपाटन जान लागेको छ ।

 

प्रतिक्रिया