शुक्रबार, वैशाख १०, २०७८

मलाई प्रधानमन्त्री बन्ने चाहना छैनः शेरबहादुर देउवा

ज्योतिन्यूज २०७७ फागुन २२ गते १२:००

काठमाडौँ । नेपाली कांग्रेसका सभापति शेरबहादुर देउवाले आफूमा प्रधानमन्त्री बन्ने कुनै चाहना नभएको स्पष्ट पार्नुभएको छ ।

शनिबार बूढानीलकण्ठस्थित आफ्नै निवासमा नेवि संघका पूर्वअध्यक्ष नैनसिंह महरद्वारा लिखित किताब ‘महाकाण्ड’ (संसद गठनदेखि विघटनसम्म)को विमोचन कार्यक्रममा सभापति देउवाले आफूसो कुरा बताउनुभएको छ ।

सत्तारुढ नेकपाको विवादमा आफू पर्न नचाहेको भन्दै देउवाले आफू वेटिङ प्राइममिनिस्टर नभएको बताउनुभयो ।

‘प्रमुख प्रतिपक्षी दलको नेता भनेको वेटिङ प्राइममिनिष्टर हो, तर म अहिले यो दौडमा छैन’, देउवाले भन्नुभयो, ‘मलाई लोभ पनि छैन ।’

प्रचण्ड–नेपाल समूहको प्रस्तावमा देउवा प्रधानमन्त्री हुने चर्चा चलिरहेका बेला उहाँको यस्तो धारणा आएको हो ।

यसअघि शुक्रबार प्रधानमन्त्री केपी शर्मा ओलीले आफूले कसैलाई प्रधानमन्त्रीको प्रस्ताव नगर्ने बताउनुभएको थियो ।

प्रतिक्रिया