बुधबार, साउन २०, २०७८

कोरोना संक्रमणबाट यी २० जिल्ला बढी जोखिममा

ज्योतिन्यूज २०७८ जेठ ४ गते ९:२९

काठमाडौं । नयाँ भेरियन्टसहितको कोरोना भाइरसको संक्रमणबाट काठमाडौं उपत्यकासहित २० जिल्ला अति जोखिममा रहेका छन् ।

स्वास्थ्य मन्त्रालयका अनुसार काठमाण्डौ, ललितपुर, भक्तपुर, मोरङ, रुपन्देही, काभ्रे, कैलाली, कास्की, बाँके, दाङ, चितवन, सुर्खेत, झापा, कञ्चनपुर, मकवानपुर, धनुषा, सुनसरी, पर्सा, बर्दिया र पाल्पा बढी जोखिममा छन् ।

यी जिल्लाहरुमा संक्रमितको संख्या धेरै रहेको मन्त्रालयले जनाएको छ । मन्त्रालयकाअनुसार देशभर सक्रिय संक्रमितको संख्या १ लाख १३ हजार नाघेको छ ।

देशभर ७ सय ८ क्वरेण्टीनमा छन् । १ हजार २ सय ५९ आईसीयू र ४ सय सङ्क्रमित भेन्टिलेटरमा छन् ।
मन्त्रालयका अनुसार प्रदेश–१ मा १ सय ७४ आईसीयू र ५२ भेन्टिलेटर, प्रदेश–२ मा २ सय ७ आईसीयू र ५७ जना भेन्टिलेटरमा छन् । वाग्मती प्रदेशमा ५ सय २९ जना आईसीयू र २ सय २३ जना भेन्टिलेटरमा छन् ।

गण्डकी प्रदेशमा १ सय १६ आईसीयू र ३३ जना भेन्टिलेटर, लुम्बिनी प्रदेशमा १ सय १३ आईसीयू र १८ जना भेन्टिलेटर, कर्णालीमा ८१ आईसीयू र ८ जना भेन्टिलेटर, सुदूरपश्चिम प्रदेशमा ३९ आईसीयू र नौ जना भेन्टिलेटरमा उपचाररत छन् ।

प्रतिक्रिया