बुधबार, साउन २०, २०७८

कलाकार पुष्पले सुदुरपश्चिममा बाँडे ५० थान सिलिन्डर

ज्योतिन्यूज २०७८ जेठ ४ गते १८:४१

काठमाडौं । नयाँ भेरियन्टसहितकाो दोस्रो लहरको कोरोना भाइरसका कारण अहिले अस्पतालहरुमा अक्सिजन अभाव छ । सरकार, गैरआवसिय नेपाली, व्यापारदेखि सेलेव्रिटीसम्म अक्सिजन जोहो गर्न खटिएका छन् ।

संक्रमितको उपचारमा अक्सिजन अभाव देखिएपछि सेलेव्रिटीले आ–आफ्नो क्षेत्रबाट भूमिका खेलिरहेका छन् । पल शाह लगायतका कलाकार गतसाता देखि नै अक्सिजन जोहो गर्न देश दौडाहामा छन् । यो मेसोमा थपिएका छन् अभिनेता पुष्प खड्का ।

पुष्पले सुदुरपश्चिमका विभिन्न जिल्लामा संक्रमित भएर उपचार गराइरहेकाको लागि ५० सिलिन्डर अक्सिजन सहयोग गरेका छन् ।

उनले कैलालीको मैनादवी फाउन्डेशनसँगको सहकार्यमा अक्सिजन सहयोग गरेका हुन् । अक्सिजन अभावले सर्वसाधारणले दैनिकजसो ज्यान गुमाइरहेको अवस्थामा आफ्नो कर्तव्य सम्झिएर सहयोग गरेको पुष्पले बताए ।

विभिन्न संघसंस्था मिलेर थप अक्सिजन वितरण गर्ने कार्यमा आफू व्यस्त हुने उनले जानकारी दिए । उनले भने–‘मलाई विभिन्न मानिसहरुबाट म्यासेज आइरहेको छ । कतिपयले अक्सिजनको अभाव भएको त कतिपयले आर्थिक अभाव भएको म्यासेज पठाइरहनुभएको छ । मैले सक्ने सहयोग गर्नेछु ।’

प्रतिक्रिया