सोमबार, असोज ११, २०७८

‘१० दर्जनको मोर्चा कसेर एमालेसँग लड्ने ?’

ज्योतिन्यूज २०७८ भदौ १२ गते १६:२१

काठमाडौँ । एमाले अध्यक्ष तथा पूर्वप्रधानमन्त्री केपी शर्मा ओलीले एमाले महासागरजत्रो पार्टी भएको दाबी गर्नुभएको छ । उहाँले एमालेसँग कोही लड्न नसक्ने भन्दै जति मोर्चाबन्दी गरेपनि एमाले नै ठूलो पार्टी भएको बताउनुभयो ।

आज राजधानीमा युथफोर्सले आयोजना गरेको कार्यक्रममा ओलीले भन्नुभयो, ‘एक एक दर्जनका १० वटा पार्टी मिल्यो भने १० दर्जन नै त हुन्छ । १० दर्जनको मोर्चा कसेर एमालेसँग लड्ने ?’ उहाँले कटाक्ष गर्नुभयो, ‘अरुले मोर्चाले कसुन्, नेकपा एमाले ढोडका लौरा समातेर जंघार तर्ने पार्टी होइन, यो पार्टीसँग पौडिएर तर्ने क्षमता छ ।’

माधव नेपालसहितका नेताले अर्को पार्टी गठन गर्दैमा केही फरक नपर्ने ओलीको भनाइ छ । उहाँले भन्नुभयो ‘एक दुई पात पहेँलिएर खस्दैमा रुखलाई केही फरक पर्दैन । रुखमा नयाँ नयाँ पालुवा पलाउँदैछन् । नयाँ नयाँ हाँगा हाल्दैछन् ।’

अध्यक्ष ओलीले एमालेलाई षड्यन्त्रपूर्वक सरकारबाट हटाइएको भन्दै अब आउने चुनावमा सबै षड्यन्त्रको हिसाब लिने बताउनु भएको छ । ‘अब कुनै पनि निर्वाचन क्षेत्रमा अरुलाई जित्न दिँदैनौं’ ओलीले भन्नुभयो ।

प्रतिक्रिया