सोमबार, असोज ११, २०७८

योगेश भट्टराई प्रवक्ता र प्रचार विभाग प्रमुख दुवै होइनन्ः तामाङ

ज्योतिन्यूज २०७८ भदौ १८ गते १८:२१

काठमाडौं । नेकपा एमालेका केन्द्रीय कार्यालय सचिव शेरबहादुर तामाङले पार्टीको प्रवक्ता यागेश कुमार भट्टराई नभएको प्रष्टिकरण दिएका छन् ।

माधव कुमार नेपाल छोडेको समयबाटै प्रवक्ताको जिम्मा फर्किएको भनिएपनि प्रवक्ताको काम प्रदीपकुमार ज्ञवालीले गरेपछि भइरहेको संशयवीच तामाङले उक्त कुरा बताएका हुन् ।

एमालेको प्रचार विभाग प्रमुख र प्रवक्ता दुबैमा ज्ञवाली भएकाले सचिव योगेशकुमार भट्टराईलाई तत्काल कुनै जिम्मेवारी नदिइएको तामाङको भनाइ छ।

‘पार्टीको निर्णय वा अध्यक्षले हस्ताक्षर गरेर योगेश कमरेडलाई दिम्मेवारी दिइएको छैन। पार्टीले प्रदीप कमरेडलाई प्रचार विभाग प्रमुख र प्रवक्ताको जिम्मेवारी दिएको छ’ उनले भने ।

एमालेको आन्तरिक विवादका बेला माधव कुमार नेपालको पक्षमा रहेर विभाजनका बेला पार्टी एकता रोजेका तेस्रो धारका नेताहरुले १० बुँदे सहमति कार्यान्वयन गरी पार्टी कमिटीलाई २०७५ जेठ २ गतेको अवस्थामा फर्काइनुपर्ने बताउँदै आएका छन्।

जेठ २ को अवस्थामा फर्किदा प्रवक्तामा भट्टराई नै थिए । तर अहिले उनले त्यो जिम्मेवारी पाएका छैनन् ।

प्रतिक्रिया